Sun. Oct 25th, 2020

Portali Informativ

Shekulli.mk

Isa Mustafa ka pranuar ofertën e Albin Kurtit

2 min read

Pas më shumë se 100 ditë të negociatave, lideri i LDK’së, Isa Mustafa është dorëzuar para liderit të VV- së, Albin Kurti, duke pranuar ofertën e tij për qeverisje.

Burime të sigurta të Metros nga takimi i sotëm i LDK’së,  kanë treguar se Isa Mustafa ka pranuar ofertën e re të Kurtit. Sipas këtij burimi, marrëveshja ndërmjet dy partive pritet të bëhet gjatë vikendit, derisa votimi i Qeverisë pritet të bëhët të hënën nga Kuvendi i Kosovës.

Ende nuk dihet se cila është oferta më e re e partisë së Kurtit, por qeveria do të votohet të hënën edhe nga deputetët e Lidhjes Demokratike të Kosovës, ashtu siç ka lajmëruar edhe kryetari i Kuvendit të Kosovës Glauk Konjufca që seanca do të mbahet të hënën me datë 3 shkurt, në ora 11:00.

Kujtojmë, që pikërisht posti i kryeparlamentarit është ajo që ka bllokuar këtë marrëveshje, mirëpo pavarësisht se si është bindur Mustafa ndaj Kurtit sot, Konjufca ka bërë me dije se nuk do të dorëhiqet nga kjo detyrë, siç tha edhe ai vetë: Është koha për emërime, jo për shkarkime.

Ndërsa, në anën tjetër nënkryetari i LDK- së Lutfi Haziri tha sot se partia e tij nuk do të heqë dorë nga posti i kryetarit të Kuvendit.

Gjithsesi pritet të shihet se për çfarë marrëveshje bëhet fjalë për të cilën ka pranuar edhe Mustafa.

Leave a Reply

Your email address will not be published. Required fields are marked *